Алексей Онуфриев
Стихотворения
---------------------------------------------------------------------------
Виршевая поэзия (первая половина XVII века)
М., "Советская Россия", 1989.- (Сокровища древнерусской литературы).
---------------------------------------------------------------------------
СОДЕРЖАНИЕ
Стихи двоестрочни о книзе сей
Стихи кресту господню похвални двоестрочни
Ини стихи всечестному и животворящему кресту
Молитва честному и животворящему кресту
Стихи двоестрочни о книзе сей,
образу Спасову благодарны
и Богородице молебни,
от черленых слов имущи разум некаков
Иисус руце имеет возвышени,
Сим бо врази мои низложени.
Христос имеет руце распростерти,
Сего бо ради злыя ми мысли стерти.
Спас мой матере своея прошения внят
И крестителя своего моление прият.
Владыко мой милость свою на мне излия,
Благодать бо в мя пресвятаго духа влия.
Господь мой человеколюбием си мя возвесели.
Мысли бо благи в сердце мое всели.
Бог мой благих своих мя преисполни,
Смысл бо мой буй добрых наполни.
Вседержитель рукама си благословляет,
Начати ми дело сие повелевает.
Рождьшая его и креститель руце молебне простирают
И тако мя сим к делу сему вооружают.
Владычица премудрости, вразуми мя,
И ты, единородный сыне, просвети мя.
Богородице, подаждь ми разум начати,
И ты, Христе боже, смысл скончати.
Присно богомати, к тебе прибегаю
И помощь твою призываю.
Дево пресвятая, способствуй ми, грешному,
И сотвори мя коснутися делу внешнему.
Марие, Христа бога мати, о тебе хощу начати
И сие повеление царево написати,
Вразуми мя, госпоже царице, скончати.
Аминь.
Стихи кресту господню
похвални двоестрочни
Крест упование благое благочестивым,
Крест победа велия злочеcтивым.
Крест царю нашему на враги его победа велия,
Крест святому его семени исполнения веселия.
Крест православному их царствию утвержение,
Крест благочестивей полате и воем их огражение.
Крест на ляхов и мусулман победитель,
Крест всем еретиком прогонитель,
Креста силою и действом дело сие начася,
Креста божественным дарованием скончася.
Аминь.
Ини стихи всечестному и животворящему кресту
господню изъяснители, благодарни, молебны,
двоестрочни же по акрастихи,
еже есть по краегранеси
Славословлю тя, кресте пресвятый,
Лобызаю тя, кресте пречестный.
О тебе бо православии царие царствуют,
Земнии владетели властвуют,
И архиереи слово истинный исправляют,
Патриарси и епископи престоли украшают.
Радуется чин монашеский,
Иерейский и церковный всяческий.
Князей лицы сликовствуют,
А множество народа торжествуют.
Земленороднии вси радуются,
Ужасно же в преисподних плачются,
Божественною ти силою попрани,
Одержими в тартаре связани.
Ликуют ти безплотных множество,
Шестокрылныи приносят торжество.
Апостолы с праотцы играют,
Господеви своему сице взывают:
О царю боже, Иисусе Христе!
Дивно соделал еси на твоем кресте,
Велия раба гордаго сим связав,
О всех праведницех того истязав.
Радуют же ся и пророчестии лики,
Цари со ерархи и мученики велики.
Адам и Евва ото уз разрешат та ся,
Первыя бо клятвы свободил та ся.
О твоем таинстве, кресте пречестный,
Давыд во царех дивный и честный
Иногда убо в гусли бия взываше,
А гласом си пророчески вопияше.
Чюдну же песню научи пети тебе,
Егда провидев велие таинство о тебе.
Господа бога нашего, рече, возносите,
О великой его таинстве хвалу принесите,
А подножию ногу его покланяйтеся,
Любовию и страхом прикасайтеся.
Есть бо сие таинство свято и велико,
К сему бо притекающий приемлют толико.
Иногда Константин пред полки ношаше {1},
Яковы победы вой его показаше.
Зде убо вторицею сотворися,
Алексий царь того ж сподобися,
Херугови бо его сим изображени,
А и враги его такожде низложени.
Ревность Михайловичь яви благочестиву
И сим одоле господарю злочестиву,
Еже не срамляяся носити распятаго на кресте,
В херуговех же изобразити его везде.
Аще бо в ветсем врагов сим победили,
С Моисеом Аарон люди божия свободили,
Из Египта бо сих извели,
Но и Чермное море превели.
Аще образом сим Аммалика победи,
Аще горкия воды в сладость претвори.
Но се все бысть действо креста,
О сем вемы, чюдодействова бо той всегда.
Фараонову и Аммаликову силу той победи,
Российское царствие от поганов той свободи
И всеа Русии царя возвесели силою твоею,
Еже покори враги его мощию своею.
Верному правителю благочестия,
Алексию, искоренителю злочестия.
Православия скипетры содержати устрой,
Елико Константин обдержа в руце его присвой.
Радость превелику сотвориши Константинуполю
Внегда, честный кресте, совершиши твою волю,
О сем, православнии вси тамо рыдают,
Еже от тебе великой милости ожидают.
Но свободиши сих от мусулманских рук,
Агарянских насилующих ими внук.
Престол християнский в первую лепоту возведи
И сих, не познавших пропятаго, на тебе низведи.
Седмихолмаго скипетры повели удержати,
Алексия царя семени Алексию ж содержати2.
Сила бо твоя божественная явится,
Яко Византия в руце его утвердится.
Возвыси рог християн православных,
Силою твоею низложи злославных.
Людие, седяще во тме, узрят свет велий,
Аще свободятся таковы радости и веселии.
Восхвалят тя выну во вся дни своя,
Удивят бо ся зряще благодеяния твоя.
Кресте, божественная сило недоведомая,
Разреши моих грехов пленица несведомая,
Елико бо хощеши, вся сотвориши,
Силою твоею царьское сие веление совершиши.
Ты еси похвала моя и утвержение,
Устнама моима даждь твое поучение.
Аминь.
Молитва честному и животворящему кресту
Радуйся, кресте всечестный,
Кровию Христа бога окропленный.
Радуйся, древо треблаженное,
На краниеве месте насажденное.
Радуйся, всего мира обновителю,
Адова же царствия потребителю.
Тебе, яко одушевленну, о кресте! песнь припеваю.
Колени со главою души и тела прекланяю.
Спаси мя, кресте святый, тебе припадающа,
Верою и любовию тя облобызающа.
Сохрани, кресте, силою твоею,
Молю тя, тело со душею моею.
Сокруши, пресвяте, демонския стрелы
И вся противныя победи силы.
Во дни и в нощи поюща соблюди
И от враг видимых и невидимых свободи.
Жизнь мою устрой мирну
И кончину получити сподоби безгрешну.
Во исходе души от тела силою си огради
И ко вратом небесным безмятежно проводи.
Сподоби же мя ясно тя зрети,
Егда на тебе распныйся приидет всем судити,
Христос бог.
Ныне и присно и во веки веков,
аминь.
Комментарии
СПИСОК СОКРАЩЕНИЙ
БАН - Библиотека Академии наук СССР в Ленинграде
ГБЛ - Государственная библиотека СССР им. В. И. Ленина
ГИМ - Государственный Исторический музей
ГПБ - Государственная публичная библиотека им. М. E. Салтыкова-
Щедрина в Ленинграде
ИОРЯС - Известия Отделения русского языка и словесности Российской
Академии наук
ПЛДР - Памятники литературы Древней Руси
ЦГАДА - Центральный государственный архив древних актов
ЧОИДР - Чтения в Обществе история и древностей Российских
Панченко - Панченко А. М. Русская стихотворная культура XVII века.-
Л., 1973
Силлабика - Русская силлабическая поэзия XVII-XVIII вв. / Вступ. ст.,
подгот. текста и примеч. А. М. Панченко.- Л., 1970.- Б-ка поэта (Б. с.)
Шептаев - Шептаев Л. С. Стихи справщика Савватия.- ТОДРЛ.- Т. XXI.-
М.; Л., 1965.
ТОДРЛ - Труды Отдела древнерусской литературы
АЛЕКСЕЙ ОНУФРИЕВ
Алексей Захарьевич Онуфриев был сыном дьяка Казенного приказа,
"пожалованного" в эту должность из торговых людей. Сам Алексей в 50-е годы
XVII в. служил подьячим в приказе Большого дворца. По своему служебному
статусу он мог иметь деловые связи с Книжной справой. Однако если это еще
нуждается в подтверждении, то его творческие связи с московским центром
стихотворства, каким в те годы оставалась Книжная справа, почти не вызывают
сомнения.
Стихи двоестрочни о книзе сей...
Стихи кресту господню похвалии двоестрочни
Ини стихи веечестному и животворящему кресту господню...
Молитва честному и животворящему кресту
Цикл стихотворений, по мнению его исследователя С. И. Николаева, был
написан Онуфриевым по случаю основания патриархом Никоном (1652-1667) в 1656
г. на о. Кие на Белом море Крестного монастыря в память о своем спасении от
бури на этом острове еще в 30-е гг. По-видимому, стихи предназначались в
качестве предисловия для книги, излагавшей историю создания монастыря,
известной под названием "Сказание о святем и животворящем кресте господни,
что в Крестном монастыри". "Ини стихи..." содержат акростих: СЛОЗИ ПРИКАЗУ
БОЛШАГО ДВОРЦА ПОДИАЧЕГО АЛЕКСИЯ ЗАХАРИЕВА СИНА АНОФРИЕВА ПЕРВОЕ ПИСАСЯ В
СЛАВУ КРЕСТУ.
Печатается по изд.: Николаев Е. И. Два стихотворца XVII века //
ТОДРЛ.- Л., 1985.- Т. XXXIX.- С. 373-376 (по рукописи ГПБ, Q. XVII. 227, л.
23-27; "Молитва" - по рукописи ГПБ, Погодинское собр., No 1583, л. 21-22).
1 Иногда Константин пред полки ношаше...- Имеется в виду византийский
император Константин Великий (306-337).
2 Имеется в виду царевич Алексей Алексеевич (1654-1670).