Поп_Лазарь
Челобитная царю Алексею Михайловичу

Lib.ru/Классика: [Регистрация] [Найти] [Рейтинги] [Обсуждения] [Новинки] [Обзоры] [Помощь]
Скачать FB2

 Ваша оценка:

   
   Пустозерская проза. Протопоп Аввакум. Инок Епифаний. Поп Лазарь. Дьякон Федор
   М., "Московский рабочий", 1989
   

Поп Лазарь

ЧЕЛОБИТНАЯ ЦАРЮ АЛЕКСЕЮ МИХАЙЛОВИЧУ

   * Великий Апостол Павел глаголет: да не изпразднится крест Христов1. Святый Григорий Богослов глаголет: да не истощится крест Христов. Истощанная есть креста Христова и знамение совершеннаго образа его.
   Царю благородну, почто новии учители истощили крест Христов, о нихже Павел Апостол плача глаголет, враги их наричет креста Христова, яко изпразнили и истощили крест Христов, еже есть совершенный образ его изменили? И паки глаголет: мне, рече, не буди хвалитися токмо о кресте Господни2, на немже страдав уби страсти. Того убо и мы известно держимся креста Господня, похвалы всех.
   

ПРЕДНАПИСАНИЕ КО ЦАРЮ БЛАГОРОДНОМУ

   Благочестивый государь, царь и великий князь Алексей Михайлович, имаши власть Божию. Сего ради божественная сотворяти смееши. Божие есть еже грехи оставляти и зрения божественнаго сподобляти. Сего ради молю тя, да подаси ми грешному юзнику темничному о сем дерзновении прощение, и где будет, государь, написано не делом, или прописано во именех, или в летах, или в числах, или во ином в чем, милости у тебя света прошу, не положи на мя о том гнева своего праведнаго царскаго. Книг, государь, нам не дают лет больши десяти; а в печали у нас память губится; а забвение, государь, и на всех бывает. И Бог мира да будет с тобою и защитит тя крестом своим от всякаго прилога супротивнаго, видимых и невидимых враг, во веки, аминь.
   

ВЕЛИКОЕ ЦЕРКОВНОЕ СЛОВО И ЦАРЕВО ТАЙНОЕ. О ПРЕСУЩЕСТВЕ СВЯТЫЯ ТРОИЦЫ

   Единородный образ отечь, образ присносущия его, образ рабий приемлет, от неискусобрачныя Матери изшед, не преложение претерпе, еже бо бе пребысть, Бог сый истинен, и еже не бе прият, человек быв зачеловечися. Не восхищением непщева быти равен Богу, но себе умалил, зрак рабий приим, правления же держа пречистых сил, аще и во яслех скотиих возлежит и пеленами ловится, и прочая сил утаився, елико премирных, и елико на земли, вочеловечися юно из Адама отроча, смешения родися сын, и верным дастся будущему веку. Сей есть князь нарицается и велика совета ангел. Сей есть крепок, един в Троицы славимый с прибытием Бог, иже держай обла-стию всю тварь и предведый вся прежде бытия.
   

О ВОСТАНИИ ВЕЛИКАГО КНЯЗЯ МИХАИЛА. ПРОРОК ДАНИИЛ

   Во время оно, рече, востати имать Михаил князь великий, настояй над сынми людей твоих3. О сем много писати ныне. Тем убо воставляет, по реченному, и поставляет во главу правления и власть божественную вручает отцу твоему государеву, благочестивому царю и великому князю Михаилу Феодоровичу, всея Великия Русии и прочих язык самодержство. Сим же тако бывшим, паки воставляет Сын Божий, ко просвещению разума и во славу царства его, отца его государева, столпа правоверия, новаго страдальца, исповедника, святейшаго патриарха Филарета Никитича, и вручает ему престол соборныя великия церкви. Сей убо истинный пастырь подтверди прежде бывший святый поместный собор, иже бысть в лето 7055 году при царе Иване Васильевиче. Сей убо святый пастырь соборне осуди и изверже Иону митрополита сарскаго и подонскаго, иже не крести совершено белорусцев4, и новоявльшияся ереси белоруския, и ляцския, и латынския до конца исторже, и вся предания отеческая управи, и книги плевельныя пожже, а православныя утверди, и с миром скончася и преложися ко отцем своим. От сих убо корене произведый тя Бог и предаст тебе власть свою, самодержство Великия Русии и прочих язык в век века, жезл правости, жезл царствия твоего. Сего ради исповемся имяни твоему великому, яко страшно и свято есть, и честь царства суд любит. Суд и правду в нас ты сотвори: яко правда и судба уготование престола твоего; обрящется рука твоя всем врагом твоим, десница твоя обрящет вся ненавидящая тебе, яко положиши их яко пещь огненную во время царства твоего. Подобно есть царство небесное неводу, вержену в море и от всякаго руду собравшу, еже егда извлекоша и на край, иседши избраша добры я в сосуды, а злы я извергоша вон5. Подобает и тебе царю благочестивому избрати догматы отеческия, а лесныя отринути.
   
   <.....>

ОБ ОЧНОЙ СТАВКЕ

   Царю благородный, имееши власть Божию, суди яко Бог, не обинуяся лица человеческа: повели, государь, дать мне очную ставку со властми и с новолюбными книжники, кто из них похочет, в тех их вышеписанных богохулных ересях, перед кем ты, государь, изволишь от своего синклита. А сверх, государь, очныя ставки, да повелит твоя божественная царская власть итти нам на общую правду, на Божию судбу, предо всем царством самовластно взыти на огнь во извещение истинны, и да явленно будет благочестие отец твоих, и отымется всяко сомнение от душа благочестивых, и соединится святая церковь, и единогласно да славится Всесвятый Дух.
   
   <.....>

О ЛЖИВЫХ АРХИЕРЕЯХ И О ПРЕЛЕСТНЫХ УЧИТЕЛЯХ. И КОЛИКО ОТ НИХ ЗЛАЯ СОТВОРИШАСЯ, И О КЛЯТВЕ ИХ БЕСОВСКОЙ, ЯКО НИЧТОЖЕ КЛЯТВА ИХ

   Царя Константина Великаго мало было во арианство не свели и на убийство священномученика Петра наустиша, а правоверных гониша и кляша: и ничтоже успе клятва их верным; царя было обольстиша, и собором исправиша; они же зле погибоша6. Царя Феодосия Великого лживии учители прелестным учением о воскресении мертвых поколебаша и на гонение праведным подвигоша. И аще не бы обратился на молитву и тем извещение от Бога прият и спасен бысть. И паки Македонии патриарх с товарищи в духоборство было привели ево, и собором исправися7. Царя Анастасия патриарх Севир с товарищи в прелесть низложиша, и собор свой собрали, а святый четвертый вселенский собор святых отец 630-ти проклинаша, и всех держащих предание их; и что убо клятва их бесовская успе святым отцем и верным? Ничто же есть: царя прельстиша и сами зле погибоша; клятва их на горшее осуждение бысть им8. Царя Лва Исаврянина злии ученицы дияволи по десяти летех царства его от благочестия отторгоша, и гонение велико подвиже на верных9. И царя Ираклия Божественнаго и патриарха Сергия епископ зловерен прельсти, тако и скончастася, гонения же на правоверных не подвигоша, и того ради святыми поминаеми еста10. Царя Василия Македонина с сыном его Лвом Премудрым епископ некий смутив, и того ради Лев седел в темнице много; сему история свидетельствует11. И ты, государь, не во всем вери новолюбцем. Ей, ей, глаголю со Давидом: яко несть во устех их истинны, сердце их суетно, гроб отверст гортань их, языки своими льщаху: суди им, Боже, и прочая12. И паки глаголет: положи на небеси уста своя, и язык их прей-де по земли: сего ради обратятся люд не семо, и дние исполнь обрящутся в них. Аще глаголах, повем тако: се ради сынов Твоих, емуже обещахся: непщевах разумети: се труд есть предо мною, дондеже вниду во святило Божие и разумею последняя их13. О сем пространнее пишет евреин Филон философ14.
   

О ИСПРАВЛЕНИИ КНИГ ЦЕРКОВНЫХ ВЕЛИКИЯ РУСИИ

   Князь Василий Иванович егда книги исправи15 и святыя церкви умири, и того ради Великая Русиа какова дара благодати Божия сподоблена бысть! Сыну ево, царю Ивану Васильевичу, покори Бог царство казанское и сибирское с прочими языки. И оттоле царска божественная власть учинися и патриаршеский престол именовася. И ко извещению благочестия святая риза Сына Божия преславная от нечестиваго, царя и многия святыя боже-ственныя иконы Спасовы и пречистыя Госпожи Девы Богородицы, многия святыя мощи святых и иконы явншася и чудотворяху многая. И сего множества ради невозможно ныне описати подробну16.
   

О ИЗМЕНЕНИИ КНИГ И БЛАГОЛЕПОТЫ ЦЕРКОВНЫЯ И ЧИНОВ

   Богу попустившему за наше согрешение, тебе царю благородному бывшу на брани, злый пастырь, быв во овчей кожи волк, Никон патриарх, измени святый чин, изврати книги и благолепоты святыя церкви опроверже, и нелепыя раздоры и чины во святую церковь внесе от разных ересей, и гонение велико ученицы его правоверным творят и доднесь. Что же от сего в Великой Русии сотворися? ничто же добра бысть; но токмо кровопролития и рати, морове велицы и межеусобныя брани, и пожары великия, и громы страшнии, и камение с небеси низходящее, человецы побивающа во обличение отступником, изменяющим предания святых отец; а церковный раздрания повсюду, и народу вселюдску тягота великая, а пребывающим в законах отеческих гонение великое. Многая убо святая места ученицы никоновы разориша и непокоряющихся ложному учению их многих злою смертию умориша, а иных в дальния ссылки заточиша и в темницах замориша, а иных огню предаша. И тебя, благочестиваго царя, лжею своею на гнев подвигоша, отеческия книги и благолепоту обругаша, и прочее от них правоверным,-- ох, ох и увы!-- сотворися. О сих, молим тя, царю благородный, даждь нам суд праведен; а мы, богомольцы твои, во святую церковь ничтоже вносим, или износим, вся преданная нам законом и пророки и евангелисты приемлем, и чествуем, и лобызаем, и никтоже сих дале ищем, и предел вечных не прелагаем, яже положиша отцы наши: не беша бо тии глаголющи, но Дух, иже от Бога Отца.
   <.....>
   

О ПРОСТОТЕ СЕРДЦА, И О ПРОСТЫНЕ ДУША, И ЛЖЕПРОРОЦЕ

   Провиде Сын Божий чистоту царскаго сердца твоего и простыню душа: блажени чистии сердцем, яко тии Бога узрят17. Всякая душа проста благословенна, и ходяй просто ходит во уповании вечнаго живота. Надеющейся на бога, яко гора Сион не подвижется во веки18. На Господа имеяй надежду не устрашится и тогда, егда огнем вся судити имать и мукою. Того ради поуступает на тя, яко на Иова, да чудно нечто покажет о тебе. И чудишася зверю, егоже исцеле язва ружная19. Посему подобает ти от сих исцелитися. Ириней святый глаголет: Исправитися раздельшемуся царству на мало время, или единому от пророк, антихристу умершу, прелесно воскреснути в чин свой. Того ради подобает ти, царю, заповедати благородным чадом своим, да пребывают в законех отеческих во веки неотступно, а пророка прелеснаго в свой чин да не возводят, да не горше что постражут. О сем летописном лжепророке глаголет Иван Богослов, яко чудеса имать творити и огнь с высоты сведет, хотя всех ввести в погибель20. И таковая бы видевше не прельстилися, взирали бы на писания Ивана Богослова и сим бы утвержалися. Аще ли на ино что взирати будут, соблазнятся и погибнут. Тогда сущий во Иудеи да бежат на горы21; горы глаголет писания Пророк и Апостол.
   <.....>
   

О РИМЕ И ЦАРЕ-ГРАДЕ

   Царь-град новый Рим именовася от властей, не ради чина и обычаев папежских, но ради благочестия веры и содержания законов отеческих. А ныне Рим за разныя ереси, по писанию, Вавилон и Египет. Егда в Риме духовный человек, папа, восхити на ся царскую Божию власть: и оттоле антихристово властительство есть в Риме. Сице бо и о Царе-граде: яко Божия царския власти не имеют.
   Наш глагол. Может благочестия ради Великая Русия новый Рим именоватися, яко главный папин чин, еже есть святый клобук перваго святаго папы Селиверста, сотворен святым царем Константином по явлению, в Русию послан бысть, в великий Новград ко архиепископу Василию, при патриархе Царя-града Филофее. А ныне, государь, наши власти и то Божие изменили дарование: и то их не явная ли плутость?
   

О ИЗГУБЛЕНИИ БОЖЕСТВЕННЫЙ ЦАРСКИЯ ВЛАСТИ

   Во окресных царствах, болгары, угры и прочий таковии, егда в законех отеческих непоступно пребываху, тогда божественную царскую власть над собою имеяху и окрестным языком во бранех страшни и храбри беяху; егда же в законех отеческих соблудиша и того ради божественную царскую власть изгубиша, тем ныне окрестным нечестивым языком в порабощение быша. О росийском же царстве глаголет пророк Иезекииль: воздвигнет Господь руку свою на князя22. И ты, государь, чти историю еллинскую23, от ноевых детей и от внучат и до Пророков и Апостолов, и се уразумееши. Царю благородный, вем тя благоразумна и мудра суща, и чуждуся, како времени сего не пспытуеши! Имееши у себя мудрых философов, разсуждающих лице небеси и земли, и у звезд хвосты аршином измеряющих: и таковых глаголет Спас лицемеры быти, яко времени сего не испытают, а ты, государь, таковых чесных имаши, и различными брашны питаеши, и благовонными питиями напояеши, и хощещи внешними их плетухами власть свою мирну управити! Ни, ни; ветхий закон стень благодати суть, и егда в законех отеческих непоступно пребываху, и того ради вся благая примоваху от Бога; а егда в законех отчих блудствоваху, и того ради вся злая бывают им.
   

О ЦАРСТВИИ РУСКОМ, ЯКО ВРЕМЯ УПРАВИТИ ЗАКОН ОТЕЧЕСКИЙ

   Греческое царство мимо уже иде; едино твое стоит; иному роду не останется: того ради глаголет Ириней: зде есть мудрость, аще кто имать и восхощет разумети, яко во едином телеси родне приемлему, истолковану быти царству мира сего. Царю благородный, аще ныне не управиши судом праведным закона отец: и то знатно, яко дожидаешися слова, еже глаголет Иван Богослов, яко испранно бысть точило вне града24 и прочая. И в то время не полезно будет управление. Того ради, государь, яко глаголет святый Мефодий исповедник: В то время будут трои люди во граде: и юдей, и християне, и самаряне. Ириней же глаголет, яко едины разделятся на трое: первая часть во отступление, вторая в вере пребудет, третья на обе страны клонителна будет. Царю благородный! Не облыгая душа твоея, пишу к тебе, или желая временныя чести, или бояся претимыя тобою смерти: ни, ни; сия бо, тобою наносимая нам смерть, не смерть есть, но изменение от временных на нетленная и лутчшая; подобает нам боятися вторыя смерти, о нейже глаголет Сын Божий: не убойтесяот убивающих тело, душу немогущим у бит и, убойтеся паче имущаго власть, по смерти сей, и душу и тело воврещи в дебрь огненную25, ей глаголю вам, того убойтеся. Царю благородный! Почто сего не боишися? К.ако книги, и все предание святых отец и благолепоту святыя церкви изменити попустил еси, а студных и мерских архиереов и ереов клятвы боишися, якоже царь Ахав вааловых, ихже клятва ничтоже может, якоже выше сего писах о сем? Мы не судим тебе, царю, но словеса Божия и святых его пишем к тебе. Тии имут судитися с тобою в день страшнаго суда, егда приидет Сын Божий. Глаголет бо: Аз не сужу, но слово еже глаголах вам, то судити вы имать26, яко живо есть и действенно и острейше паче всякаго меча обоюду остра, и проходить даже до разделения души же и духа, членов же мозгов, и судительно помышлением и мыслей сердечным27. Аз же грешный, закона ради отец твоих и вашего ради благородия, аще Бог изволит, готов есмь нетокмо темничное озлобление терпети, но и душу свою за вы положити, яко да пребудет вашего благородия божественная царская власть во веки неизвратна и непоколебима, и да управится вами закон отец ваших и умирится святая церковь во единство.
   <.....>
   

О ПИЯНСТВЕ ЖЕНЫ, ЯКО ПОСЛЕДНЕЕ БЛАГОЧЕСТИВОЕ ЦАРСТВО -- ТВОЕ, ВЕЛИКАЯ РУСИЯ

   Того ради Богослов глаголет: и прииде един от седмих ангел, имущих седмь фиял последних, и глагола со мною, глаголя ми. Веде мя в пусто место духом. Не в лес бездушный, но во ону пустыню вышеписанную: пусту же быти глаголет ю духом, еже есть духовнаго истиннаго учения опустети имать. И показа ми жену седящу на звери червленем, имущем глав седмь и рогов десять. И жена бе пиана кровми святых и кровми свидетелей Исусовых. И на челе ея написана тайна. И подивися Богослов дивом великим. И рече ангел: что дивишися? (Апок., гл. 17, ст. 1--6.) Время было жене сей изтрезвитися, от-ложыти гордость и всяку злобу, и плакатися пиянства своего, яко не вином пияна есть, но кровию християнскою и кровию свидетелей Исусовых. Зде есть терпение святых, иже соблюдают заповеди Божия и веру Исусову. Блажени отныне умирающий о Господе, да почиют от трудов своих, ей глаголет Дух Святый (Апок., гл. 14, ст. 13), и прочая. К сим же дерзает и се глаголати: царица есмь и вдова несмь, и рыдания не имам видети. И сего ради во един день приидут язвы ей и смерть, и плачь, и глад, и огнем сожжена будет: яко крепок Господь Бог судяй (Апок., гл. 18, ст. 7-- 8). Ей, глаголет Богослов, и от ангела навьщаше тайны. И глаголет ангел: прииди, д а реку ти тайну жены, зверя носящаго ю, и зверь, егоже видел ее и, бе и несть (гл. 17, ст. 7--8). И той есть осмый, иже по седмих будет и в пагубу идет. И того ради подобает нам в законех отеческих крепко стояти, а наследия багрянородных не погубляти: зане царство твое прочим людем не останется, по вышеписанных. Аще и смесится море скляное со огнем, глаголет благочестие с нечестивыми догматы. В сем бо знамении скончается гнев ярости Сына Божия. Егда же сие совершится, и глаголет Ангел: паде, паде Вавилон великий, и вместо святых бысть в жилище бесом (гл. 18, ст. 2), и прочая. И тогда будет царство твое именоватися, по писанию, Вавилон и Египет, яко пребыти имать она жена, облеченная в солнце, до дни вышеписанных, яко на нем таинство откровения совершится. Се бо есть последнее падение правоверия: сему свидетель Иван Богослов. Блажен чтый и слышай словеса книги его. О, благочестивый царю! не попускай сему совершатися во своей области. Есть сицевое правление, аще поспите посреде предел. И того ради даны нам будут крыле голубине посребренне, и междорамия ея во блещании злата. Богоданная царская власть, егда содержит правления, разньствит от прочих всех властей, яко же отстоит небо от земля, и солнце выше луны и больши светом есть: сице и царская божественная власть вышши и больши прочих властей.
   

О ЛЖИ, И О МОЛЧАНИИ, И О НЕРАДЕНИИ ПАСТЫРЕЙ ПОСЛЕДНИХ

   Власти наши, облыгая тебя, великаго государя, говорят тебе, бутто мы одне стоим в книгах и в законе отеческом. Ей, ей, не одне. Есть в Великой Русии и сто тысящ готовых умрети за законы отеческия; по писанию же, и страха ради властельска, прикровенны суть. Тогда и от разумевших падутся. Ипполит глаголет: В та времена разумеваяй умолкнет. Авакум: Почию в день печали мое я, да взыду в люди пришельствия моего: зане смовки плода не сотворят и не будет рода в виноградех; солжет дело маслина и поля не сотворят яди; оскудеша овца от пища, и не будет волов при яслех28.
   Толк. Почивание глаголет долготерпение Божие до времени последняго, занеже тогда человецы добра не сотворят. Род винограда глаголет приносящих добрый плод человецы, ихже мало будет. Солжет дело маслина: милость и любовь, глаголет, изсякнет. Поля же не сотворят яди: яко всюду человецы добродетели душевныя и чистоты телесныя не сотворят. Оскудеша овца от пища: оскудеют тогда людие духовныя пища, истиннаго учения и жертвы, и не будет пастырей при олтари, иже бы душа своя за овца положити. Волну и млеко от стада емлюще, а о овцах не пекущеся: изыщу, глаголет Господь, кровь овец моих от рук их. Оле пастырие! пасоша себе, овец же моих не пасоша. Вопросившу Данилу: Господи почто се бысть? и глаголет Ангел: даже избрании будут, даже разжегутся, даже убелятся, даже явленны будут искусный до времени кончины *.
   

О НАПРАСНОЙ МУЦЕ И О ТЕРПЕНИИ БЛАЖЕННАГО ПАСТЫРЯ

   Царю благородный! Воспомяни прародителей своих, колико озлобление, и беды и заточения подъяша правости ради душевныя и закона. Яже от многих мала на среду ныне приведем. Царь Борис Годунов, егда самодержавство прият, и тогда прародителей твоих озлоби и в заточения распосла: Феодор Никитич бысть заточен в Списком монастыре в темнице, а братия его един в Поморий, а другий в Перьми,-- тут и скончастася. Аегда бысть царем Григорей рострига: и тогда Феодор Никитич свободу получи, и хотя его оболстити Григорей рострига посылает к нему думнова своево дьяка Феодора Андронова, и говорил ему дьяк: приела де к тебе государь природный царевич, скинь ты, государь Феодор Никитич, черное платье,-- то де наложил на тебя изменник наш Борис Годунов,-- и приими, государь, светлую богряницу свою, и буди со мною в царских полатах первым боярином. Он отвеща: скажи государю природному царевичу: неволею де, государь, начинают, да волею совершают. Оле, душевныя крепости! како нимало не поколебася! И бысть митрополит в Ростове, и после царя Василия Шуйскаго послан бысть от руских вельмож и людей к королю Джигиманту просить сына ево Владислава на державу царства росийскаго, и много тамо озлобления подъя правоверия ради, и философа латынника препре, и дивишася душевней его крепости и разуму, и похвалиша его. И некогда хотеша его гладом заморити, и пребысть седмь дней не ядый, и от труда изнемог седе. И сну малу нашедшу, видит пред собою инока стояща, светла лицем, и просвиру влагающа в руце его, глаголюще: не бойся, отче Филарете, вручает Сын Божий державу царства ро-сийскаго сыну твоему Михаилу, еже и бысть, тебе же соборную русийскую церковь. Он же рече: кто еси ты, глаголяй ми великая таковая и неначаемая? И явивыйся рече: аз есмь Антоний Сийский29, и невидим бысть. Просвира же оста в руце его тепла, и возбнув благодари Бога и изъяде просвиру. И от того времени пребысть во ослабе, дондеже совершися реченная святым Антонием. Кто в нынешних пастырех обрящется таков в страданиих? и како такова пастыря ныне ни во что поставили? А нынешныя пастыри природныя ли люди? И лутчий их -- поп был30. А по правилом святых отец в мире быв поп, ктому не бысть попом, не токмо архиереом. А и ноне есть власть, в попы ево турченин ставил: и тот турский поставленник может ли быти и поп? И таковых власти меж собою не видят: како, како таковии пастыри могут добри быти? Чрез правила святых отец чин на себя восхищают! не дверьми входят во святую церковь, но дирою влазят, яко татие, по Христову словеси: не входяй дверьми во двор овчий, но прелазяй инуде, той есть тать и разбойник31, и прочая.
   Никтоже, государь, прежних святых пастырей в Русин не был чрез правила святых отец, не нарушивали. А мы держим святыя книги и закон прародителей твоих, и ничего во святую церковь не вносим, ни износим: что приняли, то и держим неизменно. И аще мы, таковая держаще, и того ради мучимы есмы всяко и казними, в тесных темницах затворены, а хлеба дают нам по полутора фунта на сутки, да квасу нужнова,-- ей, ей, и псом больши сего метают!-- а соли не дают, а одежишка нет же, ходим срамно и наго: и о сем, царю, будут судитися с тобою прародители твои, и прежния цари и патриархи, кои те книги управили, к сим же и святии отцы, кои те книги держали и теми спасени быша, нетлением телес и чудесы прославишася. Молим тя, государь, сим книгам и ты поучайся, да спасешися.
   

О ЯВЛЕНИИ СВЯТАГО ПРОРОКА ИЛИИ ФЕЗВИТЯНИНА, И О РУГАТЕЛЬСТВЕ, И О КАЗНЕ, И О МОЛИТВЕ

   Похвалитися не полезно ми есть. Вем, яко скверен есмь; но закон чист. Аз грешен есмь; но отцы и братия святи суть. Пишет бо, яко царь Саул мерзок бе пред Богом; а сгда бе со пророки, Дух Святый сниде и на Саула. Тако и аз со отцы. И паки пишет, яко сила Божия презирающих божественная мудрых и великих ослами обличи: Валаама волхва и царя Константина, егда Зотика мучаше32, и прочих. Аз же ничимже осла хуждши есмь. Аще и грешен есмь; но верою правою раб есмь Сына Божия. Един бо есть Господь, едина вера, едино крещение, един Бог и отец всех: весть, яко не лжу. В прошлых летех сего страдания моего обложен был оковы. Июля в 17-й день был в печали велице, яко и в день рождения моего ослабы не имею, и от печали и хлеба не ядох. И лежащу ми в размышлении и скорбящу, и сну малу на мя нашедшу, и явися мне святый пророк Илия Фезвитянин, и рече ми: "Лазаре, аз есмь с тобою, не бойся!" И не видим бысть. Аз же обретохся радости исполнен; железа же обретох с себя спадша; и трижды замыках, и спадаху. И после сего гладом мориша мя две недели и три дни в темнице, в чепи. И потом привезен бых к Москве, и на потриарше дворе обложен бых тяжкими железы на выю и на ногах: и с ног железа спадоша. И они смык наложиша, и сотник некий прииде в полату пьян, и бранил мя всяко, и ругаяся, и ухватил меня за чепь, хотя мя аки пса по полате волочити: и Божиею силою чепь с меня спала; он же отыде посрамлен. И тако пребых седмиц 12-ть. И привязан бых железы, на вые чепь, а на ногах кондалы. И пребых седмиц седьм, размышляя о себе, что сотворю. И в нощь субботы пятыя недели поста помышлях бити челом тебе, государю царю, чтобы ты меня пожаловал, велел жить в молчании, а книг бы отеческих у меня не отымал. И с сею мыслию и сну на мя пришедшу, и видех себя стояща на месте в полате, облеченна в одежду иерейску белу, нову, и на главе моей видех голубь злат седящ, крыла ма возбивая и трепеща, и круг себя видех стоящих властей руских многих, посохами своими опершихся. И прихождаше ко мне муж светел стар, егоже познавах быти святаго пророка Илию Фезвитянина, и глаголаше ми, повелевая ми стояти в законех отеческих несумненно и обличати изменяющих закон, и милость Божию сказует ми быти. И власти, стоящий круг меня, един по единому вси розыдошася, и остах един: тойже святый муж, мир дав ми, и отыде. Аз же обретохся радости наполнен и размышлях о видении, аще истинна суть. И бысть утрення. И бе в той же темнице всажен священник, и в туже нощь виде о мне тоже видение: и той же святый старый муж воздвизает его и повелевает ему говорити мне, чтобы я стоял неослабно, и милость Божию сказует ми быти. По утрени он Андрей поведа ми. И сим уверихся, и паки стоях неослабно и без боязни, и властей, изменяющих книги и закон, обличах и поносих. И того ради они к тебе, государю царю, клеветаша на мя всяко ложно, и обругаша мя чина иерейска не по правилом святых отец. А я, богомолец твой, аще и обруган есмь от иерейских властельми, но имею на себе благословение святейшаго патриарха Филарета Никитича, а рукоположение Варлама митрополита ростовскаго, и держу их благословением чин священства. И что, государь, по их властелинской облыжке принял я казнь, немилостивно язык клещами вытянули и обрезали, закона ради отец твоих: и их молитвами дал ми Сын Божий ясно глаголати, по явлению святаго и великаго пророка Илии Фезвитянина. Того ради аз грешный молю в Троицы славимаго с прибытием единаго Бога и пресвятую всех царицу, Госпожу Деву и Богородицу, и святых безплотных сил и всех святых, да утвердится царская божественная власть и Богом данных и благородных чад твоих и в вечныя роды родом и во веки неизвратна, и немятежна, и непоколебима от всяких сопротивных прилог видимых и невидимых враг, молитвами Богородица и всех святых, аминь.
   Юзник темничный поп Лазарь, быв в заточении, в Пустоозерской темнице седя, писал своею рукою. Лета 7176 году, месяца февраля.
   
   И у подлиннова списка рука приложена сим образом: Юзник поп Лазарь писал сие не по преодоржимому слову человеческий мудрости, но в показании Святаго Духа и силы, и к сему списку руку приложил.
   

КОММЕНТАРИЙ

   Лазарь -- поп из г. Романова, появился в Москве во время Никонова патриаршества и проявил себя противником реформ, за что был сослан в Сибирь. Время высылки его не ясно -- по Н. Субботину (Материалы, т. 1, с. 431) -- после Никоновых соборов 50-х гг., А. Н. Робинсон указывает дату ссылки 14 июля 1661 г., (Робинсон, с. 281). Отправленный в Тобольск, Лазарь продолжал там свою проповедь. О его пребывании в столице Сибири сохранился недоброжелательный отзыв Юрия Крижанича -- ученого-серба, писателя, тоже туда сосланного. Крижанич уверяет, что Лазарь был буен, склонен к самообольщению, что ему "вулицы бываху тисны и люди его под руки водиша, когда сам не можаше до дома притти" (Материалы, т. 1, с. 28). Пьянство -- порок, совершенно невозможный для ревнителя церковного благочестия в то время. Может быть, Крижанич не распознал проповеднической экзальтации Лазаря, способного, судя по его сочинениям, достигать "апостольского опьянения". Но, впрочем, кроме реплики Крижанича, никаких других свидетельств об образе жизни Лазаря нет.
   Незадолго до собора 1666 г. Лазарь был с группой прочих ссыльных отправлен в Пустозерск "за неистовое прекословие". Едва доехав до Пустозерска, он вынужден был поворотиться в Москву, куда его вызвали для соборного суда. Челобитная, представленная Лазарем, разбиралась на соборе еще до его приезда в ноябре 1666 г. Как проходила передача челобитной -- не ясно. Разбор челобитной Лазаря, произведенный Симеоном Полоцким, вошел в книгу "Жезл правления", изданную в 1667 г. Лазарь нашел разбор неудовлетворительным, а слова свои в нем искаженными. Сразу по приезде в Пустозерск, в феврале 1668 г. он сказал за собой государево слово и дело, то есть сообщил о своем желании высказаться по делу государственной важности. Этим высказыванием и были две челобитные -- царю и патриарху. Отсылка и передача челобитных задержались в связи с тем, что Лазарь не хотел допустить к их чтению никого, кроме самих высоких адресатов. Он считал свои послания тайными и крайне важными. Судя по письму дьякона Федора на Мезень (см. с. 220), обе челобитные отсылались уже в 1669 г. К тому времени царем, до которого дошло "слово и дело" Лазаря, было велено взять с Лазаря "скаску" о "слове и деле". Челобитные в списках часто и называются -- "скасками" (см.: Барсков, с. 317--319). Из всех пустозерских писателей Лазарь -- самый неизощренный. Слог его несколько темен там, где он старается высказаться по вопросам особенно таинственным и мистическим. Это, впрочем, не мешало челобитным Лазаря пользоваться вниманием в старообрядческой рукописной традиции. В образе мыслей Лазаря поражает полнота и последовательность, с которой он дает символическую интерпретацию всему в мире, не признавая иных значений, кроме священных.
   Свитки, поданные Лазарем царю, и обе его челобитные опубликованы Н. И. Субботиным (Материалы, т. 4) и Я. Л. Барсковым (Барсков, с. 53--67). Челобитную царю со значительными сокращениями (всего в ней 30 глав) печатаем по изданию Субботина. Сокращаем рассуждения Лазаря о Никоновых реформах и толкования на Апокалипсис, в которых нет конкретных высказываний о текущем времени.
   В некоторых списках челобитной предшествует предисловие, объясняющее обстоятельства писания, выше изложенные (Барсков, с. 318--319).
   1 I посл. ап. Павла к коринфянам, I, 17.
   2 Посл. ап. Павла к галатам, VI, 14.
   3 Книга пророка Даниила, XII, 1. Образ Михаила под влиянием Книги Даниила вошел в особенно распространенную в России расширенную редакцию "Откровения" Мефодия Патарского. В ней царь Михаил выступает в роли последнего царя, пытающегося утвердить справедливость, побеждающего внешнего врага и в момент кончины мира -- вручающего свое царство Богу (см.: Тихонравов Н. Памятники отреченной русской литературы. М., 1863. Т. 1. С. 263 и др.).
   4 Патриарх Филарет осудил митрополита Иону за то, что тот допускал переход католиков в православие без перекрещивания. На соборе 1620 г., созванном по этому вопросу, требование перекрещивания было подтверждено, но Иона не был извергнут из сана. (Макарий. История русской церкви. СПб., 1882. Т. XI. С. 23--30).
   5 Ев. от Матфея, XIII, 47--48.
   5 Список царей, соблазненных в ересь лживыми учителями, приводимый Лазарем в этой главке, тенденциозен. Расстановка сил в ряде случаев представлена Лазарем искаженно даже по отношению к концепциям Хронографа. Константин Великий отличался веротерпимостью и не подвергал гонению христиан. Священномученик Петр Александрийский принял мучения от Максимиана Галерия. Константин не имел отношения к его смерти. Спор с Арием против идеи тварности Христа вел не Петр, а другой епископ Александрийский -- Александр. Спор начался в 318 г. Но, по Хронографу, епископ Петр успел отлучить Ария еще до начала полемики. Арий был осужден на первом вселенском соборе в 325 г., собранном при участии Константина Великого. Сам Константин до конца жизни проявлял некоторую склонность к арианству.
   7 Македонии -- Константинопольский епископ (355--359 гг.) развивал идею тварности Святого Духа. Македонианство -- одна из ересей, для борьбы с которой император Феодосии Великий созвал второй вселенский собор (381 г.). Константинопольский собор среди прочего разработал формулировку учения о воскресении мертвых и о жизни будущего века, вошедшую в Символ веры.
   8 Император Анастасий Дикорос (491--518 гг.), по Хронографу, мерзкий злочестивый еретик, проклявший четвертый -- Халкидонский -- собор. Вселенский собор в Халкндоне (451 г.) был созван для борьбы против Евтихиевой ереси -- монофизитства. Патриарх Антиохийский Севир отверг решения собора. Севир был осужден на Константинопольском соборе в 518 г.
   9 Император Лев Исаврянин, соправитель Константина Копронима, царствовал с 717 по 741 г., выступал против почитания икон.
   10 Ираклий (610--641 гг.) победитель персов, освободивший из плена крест -- Животворящее древо, по Хронографу, был прельщен в ересь единовольную (монофизитство) Афанасием, патриархом Ияковитским, и Сергием, патриархом Царьградским (Хрон., с. 306).
   11 По Хронографу (с. 352) волхв Сантаврин интриговал против Льва Премудрого, не доверявшего ему, и оклеветал его перед отцом -- императором Василием Македонином (867--868 гг.). Лев был брошен в темницу, позже отец пожалел его и простил.
   12 Псалом V, 10--11.
   13 Псалом LXXII, 9--10, 15--17.
   14 Евреин Филон философ -- очевидно, Филон Александрийский (прибл. 20 г. до н. э.-- 50 г. н. э.), представитель еврейского эллинизма, толкователь Ветхого Завета. Не ясно, почему Лазарь упоминает его здесь.
   15 Упоминается исправление книг, которым руководил Максим Грек.
   16 Патриаршество было утверждено в России в 1589 г. С конца XVI и особенно интенсивно в первой половине XVII в. иерархами греческих церквей в -- Россию перевозится множество реликвий -- мощей, икон и проч. В ответ из России на поддержание греческих церквей идут огромные денежные пожертвования. Получение ризы Господней от шаха Аббаса -- 1625 г. (Макарий. История русской церкви. Т. XI. С. 63-66).
   17 Ев. от Матфея. V. 8.
   18 Псалом CXXIV, 1. Не точно.
   19 Зверь, у которого исцелилась язва смертная (Апок, XIII, 3, 12); ружный -- безобразный.
   20 Здесь комментируется Апокалипсис, XIII, 14.
   21 Ев. от Марка, XIII, 14.
   22 У Иезекииля -- рука Господня простерта на страну, то есть стране посланы голод и бедствия (XIV, 13).
   23 Имеется в виду Еллинский летописец -- свод, включающий и священную историю.
   24 Апокалипсис, XIV, 20.
   25 Ев. от Матфея, X, 28. Неточная цит.
   26 Весьма приблизительно: Ев. от Иоанна, XIII, 47--48.
   27 Посл. ап. Павла к евреям, IV, 12.
   28 Кн. пророка Аввакума, III, 16--17.
   29 Преподобный Антоний Сийский, русский подвижник первой половины XVI в. Празднование -- 7 декабря.
   30 Патриарх Иоасаф, бывший архимандрит Тронце-Сергнева монастыря, был возведен на патриарший престол на соборе 1667 г., то есть при участии двух греческих патриархов, которых Лазарь считает зависимыми от турецких властей и потому не вполне православными. Патриарх Никон был в молодости попом, потом постригся в монахи. Такой путь к патриаршему престолу совершенно не является нарушением канонов. Лазарь выдвигает здесь преувеличенные требования.
   31 Ев. от Иоанна, X, 1.
   32 Эпизод обличения царя Константина ослом -- неизвестного происхождения.
   
 Ваша оценка:
Связаться с программистом сайта.

Рейтинг@Mail.ru